Елімізде 700 мыңнан астам мүмкіндігі шектеулі адам бар. Олардың 420 мыңы еңбекке қабілетті жаста. (Мемлекет тарапынан мүгедектік тобына байланысты ерекше жандарға түрлі қолдаулар көрсетіледі. Өздеріңізге белгілі, еңбекке жарамды тұлғалар ресми түрде жұмыс істей алады. Еңбек министрлігінің мәліметінше, олардың жалақысының 70 пайызын мемлекет субсидиялайды! Ұлттық жоба аясында 13 мыңнан астам мүгедектігі бар адам жұмыспен қамтылыпты. Бұдан бөлек, бизнесін дөңгелету жоспарлап жүргендер де түрлі гранттарға қатыса алады дейді. Биылдың өзінде мүгедектігі бар балаларды тәрбиелеп отырған 286 ата-ана мен мүмкіндігі шектеулі 481 адам грант алыпты.
ОЛЖАС ОРДАБАЕВ, ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ ВИЦЕ-МИНИСТРІ
«Біріншісі – мүгедектігі бар адамдар үшін жұмыс орындарын квоталау тетігі. Бұл талап бойынша жұмыс берушілер бар жұмыс орындары санының 2-ден 4% - на дейінгі мөлшерде жұмыс орындарында мүгедектігі бар адамдар үшін квота бөледі. Осы бағыт аясында өткен жылы мүмкіндіг і шектеулі 12,2 мың адам жұмысқа орналастырылды»