Бүгін үкіметте Жұманғарин жұмыртқа бағасының неге қымбаттағынын түсіндірді. Вице-премьердің айтуынша, өңірлердегі мемлекеттік органдар бағаның көтерілу себебін анықтау үшін арнайы талдау жүргізген. Нәтижесінде өнім бағасын шарықтатып отырған делдалдар екені анықталды. Еске сала кетейік, бұған дейін, ұлттық статистика бюросы елімізде жұмыртқа құнының бірнеше пайызға қымбаттағанын жариялаған еді
СЕРІК ЖҰМАНҒАРИН, ҚР ПРЕМЬЕР-МИНИСТРІНІҢ ОРЫНБАСАРЫ:
«Барлық құс фабрикалары делдалдар арқылы жұмыс жасайды. Ол түсінікті, себебі олар бірден қолма-қол ақшаға жаппай сатып ала салады. Оны анықтап, бір жүйеге келтіру ұзақ уақытты алады. Қазір біз жұмыртқаны әлеуметтік-кәсіпкерлік корпорациялар тікелей сатып алу жолдарын қарастырып жатырмыз. Осы сенбіден бастап тиімді нәтижерге қол жеткіземіз деген ойдамын».